Chegan as datas máis sinaladas do ano e A Empanadería busca ofrecerche uns menús de calidade para que te despreocupes de ter que mercar e cociñar.

Para esas datas ofrecemos un horario ampliado e o 24 e 31 de decembro abriremos de 9:00h a 19:00h. Pola contra, o 25 de decembro, día de Nadal, e o 1 de xaneiro, día de Aninovo, pecharemos por descanso.

Ademais das nosas empanadas artesás, teremos un menú composto por varios entrantes e pratos principais (ademais de deliciosas sobremesas) que poderás combinar ao teu gusto e encargar por ración.

Non dispoñemos de servizo a domicilio así que teredes que recoller os pedidos na nosa tenda.

Os nosos pratos para ese día serán:

ENTRANTES:
-Ovos recheos de atún - 0,60€ por unidade
-Ovos recheos de salmón - 0,80€ por unidade
-Croquetas de xamón - 0,40€ por unidade (0,50€/ud cociñadas)
-Croquetas de marisco - 0,70€ por unidade (0,80€/ud cociñadas)
-Vieiras ao forno - 4,50€/unidade
-Caldeirada de polbo - 7,50€/ración
-Salpicón de merluza - 6,50€/ración
-Salpicón de marisco - 12€/ración
-Ameixas á mariñeira - 32€/kg (cada quilo dá para catro persoas)

PRATOS PRINCIPAIS:
-Maruca con cebolas e pasas - 6,50€/ración
-Peixe sapo (Rape) en salsa de marisco - 7,60€/ración
-Tenreira asada ao estilo tradicional - 7,20€/ración
-Costelar de tenreira ao "estilo lento" - 7,20€/ración
-Cordeiro asado ao estilo tradicional - 8€/ración
(Todos os pratos inclúen guarnición)

OUTRAS OPCIÓNS:
-Lacón asado enteiro (aprox 8-10 persoas) - 37€ (42€ con patacas asadas)
-Xamón asado enteiro (aprox 14-16 persoas) 52€ (57€ con patacas asadas)

SOBREMESAS:
-Torta da avoa - 3€/terrina
-Torta de queixo fría - 3€/terrina
-Torta de queixo ao forno - 3€/terrina

E, POR SUPOSTO, TODAS AS NOSAS EMPANADAS!

Encargas ata catro días antes no 981049630 (tamén por Whatsapp) ou no noso despacho! 

(As encargas de comida pecharanse catro días antes da data ou ata límite de capacidade)